[A:191] sku gdung rin po cher 'bul dpon bla ma bsod nams dpon slob kyis kun rig la brten pa'i sreg mchod phul bar/ nam mkha' las 'ja' sprin dang me tog gi char sogs sum rtsen pa rnams kyis mchod pa rgya che bar phul zhing ngo mtshar ba'i ltas mang bar byung / zhag shas nas nged rang pho brang chen po ri bo gru 'dzin du gong sa yas phyin gyi mjal kha dang mchod 'bul zhu bar phyin zhing / mchod 'bul rten du sku gsung thugs rten/ gser gyi maNDal/ rol mo/ mkhar rnga/ ja/ gos dar/ rta khrab sogs phul/ sa lam gyi bar chad zhi thabs ljags bsngo bka' drin bskyangs/ thon phyag zhu nyin rdo rje phreng ba dang / mkha' 'gro rgya mtsho/ lo nag dril gsum sogs deng sang yig cha gang gi steng nas byed dang / phyag len gyi skor/ bla ma brgyud pa sogs kyi bka' 'dri gnang bar so so'i zhu len phul bas shin tu dges pa dang gnang sbyin bcas stsal te/ 'dam bu byin gyi chos grwa 'byor/ mchod 'bul gyi cho gar tshogs chen bla khag /lha khang rgyal smad/ sgom khang / sa sbug /ri sding sa sogs dgon lag rnams bos te nyin gsum gyi ring kun rig bcas sgrub mchod la zhabs tog 'bul ba rgya chen pos so sor mnyes par byas shing / sa skya rtse gdong / 'bri stag khag sogs che kha rnams su mchod 'bul rten 'bul ba dang / sa lugs kyi dgon pa rnams su mang ja'i thog bla ma so sor mchod 'bul rten 'bul bar rdzong bda' byas/ dgung zhag grol nyin bla khag dang tshogs chen gyis kun rig gi cho ga gnang bar bsnyen bkur rgya che ba dang / dgung zhag pa rnams la ja/ dar ras sogs dpangs mtho