[A:197] 'phags pa'i gnas brtan bcu drug /dharmA ta la/ rgyal po ha shang rnams dang bcas pa'i sku mi tshad tsam gnas g.yog dang bcas pa/ brag ri/ hor brag /ljon shing / chu 'babs/ thod du sprin spungs/ g.yas g.yon du rten gyi bzhugs khang sogs bkod pa ngo mtshar ba sprul ba'i bzo bos khyad mtshar du sgrub pa'i sku rgyur 'phags yul rdo rje gdan/ bya rgod phung po'i ri sogs rgya gar shar nub/ bal yul/ ri bo rtse lnga/ glang chen 'gying ri/ lho phyogs po ta la sogs rgya dkar nag dang / bod yul gyi gnas chen dang / sgrub gnas khyad par can rnams kyi sa chu/ rdo shing / me tog /bye ma rnams kyi sne bsdus dang / sman sna/ lha klu mi gsum gyi rin po che'i rigs du ma/ ston pa rdzogs pa'i sangs rgyas nas bzung rgya bod kyi mkhas grub rim byon mang po bsam gyis mi khyab pa'i byin rten gyi rigs ma tshang ba med pa bsres pa'i dar 'dam las bzos shing / bar mtshams rnams su sngon byon mkhas grub rnams kyi gdung tshwa sbyar te byin rlabs kyis phyur bur gyur pa rnams su nang gzhug gtso bo shAkya'i rgyal por thams cad mkhyen pa rong ston chen po'i phyag mtheb g.yas pa 'phel ba sku sha dkar dung du gyur pa ring bsrel gyis spras pa/ rdzogs pa'i sangs rgyas kyi 'phel gdung / khro phu thog thub ma/ mkhyen rab rje'i thugs/ paNDi ta shAkya shrI'i gsol lhung / rdo rje 'chang bla chen sa skya pa chen po'i sku 'byar/ mkhyen rab chos kyi rgyal po'i sku chos/ gong ma chos kyi spyan ldan gyi ring bsrel bdun dang / tshems rings bsrel ma/ dbu lo bubs/ sku chos/ rje dbon rin po che'i sku sham/ phyag phreng /