[A:16]gnang / zur po che shag 'byung yang dga' nas/ bla ma chen po'i bka' drin gyis/ /a po'i sems phyogs nor du thal/ /zer lo/ /der bla ma ga ya dha ra la gser srang lnga brgya dus gcig la phul bas thugs ma ches pas sgyu ma yin nam dgongs te/ lam khar mang kar dril chen gyi mi mang sar byon cing 'di rnams gser du 'dug gam mi 'dug gsung zhing bstan/ de dag gser yin par dgongs pa dang / shin tu dges pas da khyod ci dga' bar bya'i ci 'dod gsungs/ ci yang mi zhu gsungs pas/ yang yang gsungs nas/ 'o na gsung ngag 'di gzhan la mi gsung bar zhu ba phul/ bla mas zhal gyis bzhes nas rgya gar du gshegs/ yang dus phyis 'gos kyis gro mo na tshur me trI pa yin gsungs nas spyan drangs/ bod du byon pas me trI pa min par 'dug pas/ bla mas brdzun gsungs byas pas/ me trI bas chos ni nga mkhas khyod chos 'dod par 'dug pas dengs dga' mod gsungs/ der 'gos kyang chos la mgu bas bsnyen bkur yang mang du byas rgya gar du gshegs so/ /yang dus phyis kyi jo zla ba'i 'od zer gyis mnga' ris stod nas spyan drangs nas bsnyen bkur mang du byas nas rgya gar du gshegs pa'i lam khar gyi jo'i slob ma kha rag gtsang pas spyan drangs nas kha rag tu byon no/ /kha rag pas bsnyen bkur mang du byas nas der sku 'da' khar nga'i bu tsha bo ri rtse la yod pas der skyol gsungs/ bu tsha bo bdag cag kyang lags na byas pas/ des mi phan skyol gsungs/ de bla chen gyis slob ma sgom chen se rog gnyis can du bzhugs nas/ bu sgrub pa la nan tan ma chung / ngas ma bsgoms kyang sngags pa 'chi na 'di bzhin yin gsungs nas/ rdo rje dril bu phyag tu bsnams nas 'od ril ba tsam zhig spyi gtsug nas 'thon nas song gsungs/ da lta yang thod phuu na rdo rje dril bu yod do/ /bla chen 'brog mi nyid gzhung gsungs pa'i slob ma la man