[A:17]ngag mi gsung / man ngag gsungs pa'i slob ma la gzhung mi gsung ba yin gsungs/ gzhung tshar ba'i slob ma ni lha rtse'i gyi ljang dbu dkar ba/ shangs kyi brag rtse so nag pa/ sa skya'i 'khon dkon mchog rgyal po/ 'phrang 'og gi dbrad dkon mchog rgyal po/ bla ma mnga' ris pa gsal ba'i snying po dang lnga lags/ man ngag rdzogs pa'i slob ma ni 'brom de pa ston chung / lha btsun ka li/ bla ma se mkhar chung ba rnams yin/ 'brom zhabs tog che/ lha btsun jo mo'i ming po bla ma ses bla chen gyi spyan sngar sngar lo bdun phyis bcu ste bcu bdun bzhugs/ gnag smad sum cu tsam phul/ bla ma'i zhal nas 'bul ba chung ste mkho gsungs/ zhabs tog chung yang yun ring ba dang spyod lam gyis mnyes nas man ngag thob pa yin gsungs/ gsung ngag tshar nas gzhung zhus pas man ngag byin pa la gzhung mi bshad kyi/ khyod rang gzhung la dad na sa skyar song gsungs nas bla ma ses sa skyar lo bzhi bzhugs nas sa skya pa chen po las gzhung tshang bar gsan no/ /bla ma 'brog la grub pa thob pa'i slob ma ni pho gsum mo bzhi ste/ pho gsum ni sgyer sgom se bo/ gshen sgom rog po/ dbus pa grong po che'o/ /mo bzhi ni/ rtod mo rdo rje mtsho/ dbrad sgom ma dkon ne/ shab pa mo lcam gcig /'phyang mo nam mkha' mo/ de la dang po drug gis ni lus ma spangs par grub pa thob bo/ /'phyad mo nam mkhas ni thun mong gi dngos grub grub pa'o/ /gzhan yang grub pa thob pa'i slob ma mang du bzhugs par gda'/ bla ma se'i spyan sngar rje dgon pa bas lo bco brgyad bzhugs nas zhabs tog dang spyod lam kun gyis bla ma mnyes par byas/ man ngag ma lus par rdzogs par gnang ba lags so/ /bla ma sa skya pa chen po sgyi chuu na bzhugs tsam na/ bla ma se'i zhal bltar byon pas/ bla ma ses sa skya pa'i lo rgyus mang du dris/ pang du blangs bshums nas/ rgad