[A:418] sgom khang nas jo lags sku mched dang grwa rigs rnams kyis pheb zhor du chibs kha bskyod dgos tshul nan gyis zhus song ba/ rten gsum rnams la phrin bcol dang gnas gzhi byin rlabs 'jug khyad sogs dgos pa khyad par can 'ga' res rkyen byas te pheb pa'i dgongs rtse gtad song ba/ dgon du pheb skabs nam mkha' shin tu dwangs pa/ 'ja' tshon kha dog sna lnga'i 'ja' gur dang / nyi khyim 'brug sgra dal bur sgrogs pa'i khongs nas char rdog shin tu che ba'i rgyun bab cing nyi ma'i dkyil 'khor kyang 'od shin tu gsal ba sogs ya mtshan gyi ltas khyad par can 'ga' re dang lhan cig sgom khang ba dpon slob rnams kyis bsang / dar 'phyar/ dung 'bud sogs pheb bsu rgyas par zhus te bla brang nyid du pheb 'phral jo lags sku mched nas dkar gro'i ston mo dang / gsol ja/ zho/ 'bras thug sogs gzhis len gyi bkod pa phun sum tshogs pa zhu ba gnang / bzhugs zhag gsum tsam bzhugs ring mgon khang du gsung bskang zab rgyas sngar las kyang lhag par stsal zhing / phrin bcol gyi rim pa yang yang du bka' drin bskyangs/ der gnas dpon slob rnams la dbang rjes gnang / byang bsngo sogs chos phyogs dang / phyag mdud/ byin rten/ mang 'gyed sogs dngos po'i gnang skyes dpangs mtho ba'i thog /spyi sger du bslab ston yang dag bka' drin bskyangs/ phyir pheb nyin mgon khang du phrin bcol la pheb skabs rten rnams kyi g.yas phyogs kyi rten thug der spyan yun ring du gzigs rtog bka' drin bskyangs te/ chos skyong gi gtso bo zhig 'di na bzhugs 'dug ces bslab ston du stsal ba/ gnyan mgon chen po zhal bzhi pa yin nam