[A:420]bar byas/ phyir nang snga bar mchod pa'i yo byad phun sum tshogs pa dang bcas nas chibs kha bsgyur bar sgrub phug nang du mnyam med 'ja' tshon snying po'i gter ma/ yang zab dkon mchog spyi 'dus kyi las byang bka' drin bskyangs song ba'i zhabs phyi nged blo la yod pa rnams kyis byas/ phyi nyin phyi nang gsang gsum gyi rten 'brel thams cad rang 'grigs su gyur tshul sogs bslab ston zhib rgyas su bka' drin bskyangs/ dri za'i rgyal por yang sger du gsol kha sogs gnang song bar nam mkha' dwangs shing 'ja' gur 'bigs pa sogs ltas khyad par can ches mang ba zhig kyang byung song / de nub bzhugs sgar du chibs kha bsgyur te/ phyi nyin pheb pa'i bzhugs zhag sar rgyal rag gi ru ba rnams kyis gsol ba btab pa'i ngor/ tshe rta zung 'brel gyi bka' dbang bka' drin bskyangs/ 'di dus dang phar phyin gyi pheb lam gro ma lung du bzhugs ring bcas par rgyu sbyor ba'i sbyin bdag dang / dad can gyi grwa rigs sogs ches mang bas 'bri g.yag /mar 'phyur sogs 'bul nod rgya che ba byung song bar/ zab pa chos kyi dbyings dang / rgya che ba sems can gyi don du bsngo ba sogs gang la gang 'tshams kyi chos kyi 'khor lo rgyun chad med par bskor zhing / phyag mdud/ byin rten/ gnang skyes sogs gzabs par bka' drin bskyangs/ g.ye la brgyud dar yul phyogs su chibs kha bsgyur ba'i pheb zhag gsum pa'i bzhugs gnas sgom khang mdor bka' drin bskyangs song bar/ 'di nub chab kyis ltem gzhi 'phar ba'i sku ha cang bde ba rang zhig ma byung ba'i tshul gyis/ rgyun gyi dbang por shar rgyag