[A:427]'di nged la skye ba thams cad du gzigs pa gzhan las lhag pa zhig yin gshis/ thugs yul gtad pa'i rten 'brel tsam du gnang / 'di nyin nas bzung bla ma phyag mdzod la gros bsdur gyis tshogs chen la bka' 'gyur gtsang sgrogs dang / ban tshang pas dpal ldan lha mo gtsor gyur gyi bskang ba brgya tshar shin tu mang ba/ dgon khag tu mang ja'i thog zhabs brtan phon che ba dang / sngags pas mdos rigs sogs sku rim gyi rim pa dang / nyan po nas grub pa'i dbang phyug chos rje rin po che dang / dpon tshang gces gces lags gnyis nged ma 'byor gong nas spyan 'dren gnang 'dug pa bzhin bka' dbang / gsol sman gyi 'phrod bsten/ sku'i snyun g.yog mgron gnyer bsod nams rin chen dang nged gnyis kyis rkang ma zhus shing / gzhan yang bla ma phyag mdzod/ dge slong grags pa/ gsol dpon bstan 'dzin rab brtan/ chos rje bstan 'dzin nor bu sogs sku 'khris su bcar ba rnams kyis gang 'tshams su zhus par/ zla tshes skor nas cung zad dwangs skyed byung kyang / 'tsho mdzad nas 'di lo bsnyun 'bor lci la phyag rtsa chab brtag sogs legs rgyu mi 'dug pas nged rang spun gyis gsol sman sogs ma shes phar bzhag los zhu'ang / sbyin pa lag len gyi khyad bcas lha rje gzhan zhig 'bod pa gnang na 'gab tshul nan gyis zhu ba gnang song bar/ nged rang da bar sdod pa khyed rang rnam pa'i sku drin yin gshis/ lha rje spos kyang phan pa 'ong ba'i nges pa med ces zhal gyis bzhes ma song kyang / 'tsho mdzad gces gces nas nan gyis zhu ba mdzad song bar gsung ngo ma