[A:429]med pa/ zla ba dang po'i nang gi sa 'gul yang sa phyogs gzhan las che zhing / dge 'dun rnams tshogs gyes gdong du thal skad sogs chag pa/ skya ga mang la dkar shas che ba kha shas bla brang du rgyun par 'khor ba/ sgom khang gi rgyun gtor rtsa ba nas med pa/ bla shing chag pa/ gzims chung du ri bong gi than ro byung ba/ mkhar gdong dang sa sbug gi ri ngu zhing than bya'i skad rgyag pa/ rin sdings kyi bla chu skam pa sogs ngan ltas bzlog res/ srid gsum dbang phyug mar bskang ba rgyun 'dzugs/ rgyal ba'i bka' rgyas 'bring dang / padma bka' thang sogs chos sna'i rigs mang ba rgyun par bsgrubs pa'i nus mthu las zla ba bzhi pa'i bar tsam bsnyun gzhi 'tsho thon tsam byung ba/ phyogs kyi 'grul pa 'ga'i sku zhud la khag 'dogs kyis bsnyun ro dang / chab kyi bsnyun gzhi gnyis ka rim zhan du gyur pas/ nged kyis 'di lo bla ma rnam gnyis kyi lung bstan las sku tshe'i 'phrang tsam yin shas che na'ang / sku tshe'i tshad lo shas bar ma rdzogs par ma zad/ nged nas lar bab shes 'ong chung zhing / dgon gnas kyi 'dzin skyong la blo mi 'gro ba dang / sprul sku rin po che sku mched sku na phra ba bcas spyi dang bye brag gi bstan par yom 'khyoms las med pa dang / khyad par bdag sogs mgon med rnams res gnas yul gcig po lags pas/ zhing khams gzhan du dgongs pa gtad na mi 'ong tshul mchi ma dang bcas te nan gyis gsol ba btab par/ de 'dra'i blo sna thung mi dgos/ 'di lo dga' mo 'ong 'gro pheb cing / thugs ngang ring