[A:446]med rngog ston chen po gtso bor gyur pa'i gzims chung steng gi gsang rgyar yod pa rnams kyis nyin bstar gong gi bla mchod sogs chag med du bsgrub pa sogs kyi bkod pas khyab par bgyis te/ nged rang gzhung sa chen po nas rgyal po dang sde srid khrir bkod gnang ba'i legs 'phul du rgyal khab chen por bcar zhing / de'i ring dus chen khag gsum dang / sku tshigs dang po bcas la chos sde chen po 'di nyid kyis dbus/ 'phen yul gyi dgon che khag rags rim dang / nged rang gi dgon khag bcas la mang ja kha shas sku rim gyi tshul du bsgrubs 'dug /nged rang lha sar sdod skabs yid mi bde ba'i stabs kyis brel ba cher med dus gling khar phyin te/ pha bla ma rigs kun bdag po nyid la gsol 'debs sogs nyams len la 'bad par byas pa'i tshe/ rgyun gyi dbang po'i thad nas nged gar yod sar 'ja' sprin gyi sne mo mdung tshugs su zug pa dang / me tog gi char chil chil babs pa sogs byung zhing / gsang rgya'i ring dngos nyams rmi lam du pha bla ma de nyid dang yang yang mjal ba sogs byung bar tshe rabs thams cad du rjes su 'dzin pa'i brdar go /lha sa nas 'khor te bka' chems kyi gsang rgya ma grol gong du gdung la bye ltems zhus pa de nyid tshwas brjes na phun sum tshogs par sems nas gdung khang zhal phyes te sgrom nang nas yid bzhin nor bu las ches cher lhag pa'i sku gdung rin po che spyan drangs te sgrom nang gi bye ma rnams tshwas brjes nas sngar rgyun ltar bzhugs su gsol/ 'di nyin 'ja' sprin dang me tog gi char sogs dus rgyun las ches cher lhag pa babs pa ni dkar phyogs skyong ba rnams kyis gdung khang zhal phye ba'i