[A:557]kyang nged rang nas de 'dra gtan nas mi 'gab tshul zhus pas/ blo ldan gyis ram bteg nas zhus song bar de gar gsan mi gnang bar thag chod/ de ga'i sang nyin nas thog mar gong zhabs yas phyin ljags bsngo rten dpangs mtho ba sogs bsgrigs/ gsang brtol/ nyer bzhir gdung rin po che zhugs la zhen pa dang / ra ba smad grwa tshang stong rtsar 'phral du pheb pa dang / gdung chog pa brgyad snyan gsan phul bar nyer gsum la pheb/ blo gsal yang de nyin 'byor pas 'di ga nas grwa tshang la mang ja/ gdung 'bul/ snyan dar gya nom pa phul/ zhag gsum par gzhan phan bdud rtsi'i dgongs pa ltar kye rdo rje'i ras bris kyi dkyil 'khor du bdun tshigs kyi cho ga rgyas par phul/ de nas nyer bzhi'i srod la nged rang zla bo gnyis bcas pas gdung yid bzhin nor bu dgyes mdzad rdo rje dang tha mi dad par zhi ba'i bsreg blugs rgyas par phul/ zhag gsum gyi bar gdung khang la rgyas 'debs la sogs phyag len ltar bgyis/ zhag gsum thog zhal phye nas rus bu sgrub pa sogs kyi bar sbyor dngos rjes gtsang zhus/ na bza' cha tshang / chibs pa legs pa/ stag sgam cha/ stag 'bog gsar pa cha sogs phun sum tshogs pa gnang / de nas rmor du zhag bzhi bsdad/ slar yar klungs su phyin/ dbon rin po che/ dge slong tshul khrims rgya mtsho/ ri bde'i grwa pa kha shas/ li thang pa ngag dbang legs bshad/ chos sde rang gi grwa bgres phal cher/ chos mdzad kun dga' chos nyid sogs don gnyer rnams la gsang ba 'dus pa'i dmar khrid/ gshed dmar lha lnga'i