[A:563]slob gnyis/ rta ra mdo'i a mchod pa/ bka' kun bsam/ lcags zam pa bstan 'dzin bzang po bcas par nA ro mkha' spyod ma'i khrid smin par phul/ nged rang gis mkhan slob sbrags/ bka' ngag rab lags kyis gsang ston/ dge slong tshul khrims rgya mtsho lags/ dge slong snang byed/ dge slong blo shes rnams kyis grogs dan kha skong / dus bsgo mdzad pa'i dge slong bsod nams rin chen sogs bsgrub khag gcig la bsnyen rdzogs byas/ sde pa o rong pa'i bla ma a mchod spyan g.yas dge slong gcig la rig byed ma/ 'dod rgyal/ 'jam dpal nag po/ seng ge sgra rnams kyi rjes gnang / dar gling pa lnga la mgon po phyag bzhi pa lha mang gi rjes gnang / g.ya' bzang pa gsum la 'chi med dpal ster gyi tshe dbang rnams bskur/ dge slong blo shes/ chos ldan bzang po/ nang so kun dga' bsod nams sogs rang grwa bzhi bcu skor la gzims chung 'khor phibs su rdo rje rnal 'byor ma'i byin rlabs sngon du 'gro ba'i khrid shin tu rgyas pa/ zhal shes gsum dang bcas pa zhag nyi shu skor la tshang bar phul/ de dag gi snga phyir jo bstan tshogs pa nyi shu/ dar gling pa 'ga' zhig bcas par bla ma lha khang du sgrol ma nyer gcig jo bo lugs kyi rjes gnang dang / kha che paN chen lugs kyi sgrol ma nor sbyin ma gtso 'khor gyi rjes gnang / skyid sdug lam khyer gyi khrid paN chen lugs/ yang gang steng du rin bo chos gling pa sum cu tsam dang / dar gling pa/ len mkhar dpon slob/ rang grwa phyed nyis brgya skor bcas la bla ma lha khang du phyag drug pa bka' bcu