[A:566]mchod chen mo rnams kyi rdor slob la sngar rgyun ltar phyin/ chog mang sbyin sreg sngar rgyun ltar bgyis/ zhal ras lha khang du nyin bstar mkha' 'gro rgya mtsho'i mngon rtogs dkyil chog sogs kyi lung bklags/ nyer bdun gyi nyin gung yol la gtsug lag khang gi steng du byad ka'i rnam par thog babs pas/ de nub nas grwa khag gcig bla ma lha khang du gdugs dkar gyi mdos/ rdo rje slob dpon sogs nyi shu skor gyis 'du khang du khro bcu'i gtor zlog /nged rang gis mkhan chen gyi gzims chung mgon khang du zlog 'khor sgrub pa rnams bdun gcig gi bar bgyis nas grol mnyam gyis mdos gtor 'phen pa dang zlog 'khor 'dzugs pa dus gcig tu bgyis pas bar chad zhi ba'i rtags kyang legs par byung / de nas yar 'khor/ 'di lo dbyar mal gror phyin/ 'chad ka spun snga/ ra ba smad dpon slob blo gsal bstan 'dzin/ tshur khang bla ma tshul khrims phun tshogs/ rgya ba bzhi/ rnam ser rab 'byams tshul khrims can bzhi/ 'chad ka rang gi grwa pa phal cher bcas brgya skor la nye bar/ lam 'bras slob bshad shin du smin pa/ smin byed kyang rdul tshon gyi dkyil 'khor bgyis shing slob bshad pa'i phyag len 'khrul med zla ba gsum la nye ba'i bar lung dang bcas cha tshang dang / sman bla mtho brtsegs/ gnas bcu'i rjes gnang sogs nyin re bzhin snga chos la rjes gnang re ma chag par bgyis/ gzhan kun rig gi dbang sogs kyang so so'i 'dod pa ltar chag med bgyis/ 'brog lugs kyi tshogs 'khor ston mo yang yang zab par byung zhing / rnyed pa'ang phun sum tshogs par byung / chos khri thang du skya ser gyi khrom shin tu che