[A:569]cad blo mal du tshud par gyur/ chos sde nas ser sbreng mdzad/ der chog mang bar bsdad/ de dus rje drung lo tsA ba rmor du 'byor bas dge slong chos 'byor bang phyin la 'byor ba ltar 'ong / chos 'khor gnas pa rab 'byams pa kun dga' bsam gtan sogs gcig gnyis dang / dge slong tshul khrims rgya mtsho lags kyang yod/ rje drung la gsang ba 'dus pa 'jam dpal rdo rje'i ras bris kyi dkyil 'khor du/ smin byed sngon du 'gro ba'i sgo nas/ zhal sgrub dus/ bsnyen dus/ las spor sogs dang / khyad par gsang sgrub kyi rjes gnang sngon du 'gro bas/ dpal mgon chen po'i tshe khrid gur khang ma dang / gsang khrid shin tu smin pa sogs mang bar byas/ gos chen/ rgya sbugs/ ting bdun tshar sogs chos yon mang bar byung / 'di lo sa ga zla ba'i nyer gnyis rnal 'byor dbang phyug gi rtogs pa brnyes pa'i dus nas 'chi med bdud rtsi ril bu'i sgrub pa rje bla ma'i phyag len 'khrul med ltar rung bar bgyis/ 'di'i sman gyi sbyin bdag sde pa zur khang pa/ blo mkhar nas/ ram pa khang gsar ba/ 'or stod pa/ a lag dpal sgron/ lkog nas chos mdzad don grub rnams kyis mdzad pa'i gegs med du bsgrubs/ sbyin bdag so sor sku skal kyang rgyas par phul/ shel grong gsang sngags gling dgon par em chi kun dga' bstan 'phel gyi lam 'bras gtso bsdus kyi sku brnyan bzhengs par gzungs 'bul rab gnas la phyin/ gzungs rung bar phul zhing / kye rdor la brten pa'i rab gnas nyin gang ma/ zhi ba'i sbyin sreg dang bcas rgyas