[A:461]ngag dbang don grub kyi drung du tshang bar zhus/ grwa tshang gi 'chad nyan du bsam yas pa dge ba'i dbang po pheb/ sger du chos ra 'phel ba rang ni byung ma song kyang gra tshogs shin tu che bas rgyun du phyed nyis brgya ma chag par byung / rang lo bco brgyad par sgrig skyur byas/ bcu dgur gling bsre dang / nyi shur bka' bcu'i ming btags byas/ nyer gcig la rtses dong du grwa bskor la phyin/ zhor la gdan sa mthil dang yar klungs rten gsum yang rgyas par mjal/ nyi shu rtsa gnyis sa yos lo la gtsang du grwa bskor la phyin pas yar lam ru mtshams kha reg gi shar dbus smad du pha rig 'dzin chen po dang mjal/ lam du song gshis zhib par ma byung kyang shin tu dgyes pa'i bka' stsal lhug par gnang bas mi ring bar bsnyen par rdzogs pa'i mkhan por gsol ba btab pa ltar dgyes bzhin du zhal gyis bzhes/ yar lam snye mo brgyud sa skya'i grwa bskor ma tshugs par 'jad thub bstan yangs pa can du mus chen bkra shis lhun grub zhabs drung du slob bshad snang gsum rdzogs pa dang / sbyong rgyud kyi bshad bka' gung ru'i zin bris dang gzhan phan mtha' yas sbyar ba'i gsung bshad/ phyag rgya'i 'ching lugs sogs phyag khrid lung bcas dang / kye rdor rgyu dbang / kun rig gi dbang / tshe dpag lha dgu'i dbang / rnam rgyal dang rnam 'joms kyi rjes gnang lung sogs mang du zhus/ zla ba phyed gnyis bar bsdad/ de nas gdan sa chen po dpal ldan sa skya'i dgun chos kyi thog bstan pa'i rnam gzhag sa bcu gsum tsam byung zhing bdag chen yab sras kyi zhabs drung nas bdag rkyen la sogs pa