[A:577]thams cad nged rang la dad mos gnang ba'i stabs kyis sa dgon thams cad la phan gang thogs byed khul byas/ chos 'khor gnas rab 'byams pa yar 'phel sogs mi bcu gcig la bde mchog gi dbang dang / nA ro mkha' spyod ma'i byin rlabs dang khrid/ gzhan yang 'dod chos mang du phul/ phran sgo dga' ldan gling gzhis kar sde pa zur khang pa'i bka' 'gyur la tshoms chen du gzhi ba'i grwa pa bzhi bcu skor dang lhan du kun rig la brten pa'i rab gnas nyin gang ma rgyas pa/ zhi ba'i sbyin bsreg dang bcas pa byas/ gzhi pa grwa tshang nas 'du khang du 'bod pa mdzad/ sgrol ma maNDal bzhi dang 'brel ba'i brtan bzhugs rgyas par byung zhing / spyi sger thams cad nas zab zab dpe med gnang / sde pa zur khang nas kyang rab ston 'bul ba rgya nag gi dgang blug sogs dpag med stsal/ rdo rje shugs ldan rtsal la phrin bcol dang dmod nas phul bas dgyes bzhin du srung mar zhal gyis bzhes/ kha reg nas theg mchog gling dbon slob sku mched pheb/ padma dbang drag lags kyis gnas bcu'i rtogs brjod kyi sku thang grwa mtshungs bcu gcig kha gsar ri mo dang gong gsham sogs spus legs dang / chos rje gcung gis yab kyi byang chog rten sogs dpang sa mtho ba gnang / sa phag lo gsar pa rang lo re drug pa'i nang du rin chen spungs pa'i dpon slob/ 'jam dbyangs byang pa/ bslab btus/ chos 'byung brgya rtsa sogs lung dkon pa mang po dang rjes gnang rigs kyang mang bar phul/ gsang phur mang ja sngar rgyun ltar lo sngon ma'i nang du shing mang nas