[A:586]rig byed ma'i rjes gnang byas/ gung tshigs thon nas mar 'ong / gser dmar gyi dril bu rtse gdong gi phyag dril yin zhes gnang / lha sar bkra shis bde legs su sde pa khrus bu nas sku zhud kyis ltem par glud rdzong zhus pas phan ngo shin tu che ba byung zhing / sde pa bka' blon dang lhan du tshe dbang 'chi med dpal ster brgya tshar phul/ slar rgyal sras rin po che'ang pheb pas tshe dbang 'chi med rdo rje'i srog shing rgyal sras rin po che dpon slob/ sde pa bka' blon/ khrus phu nas yab sras sogs lhan du phul/ rgyal sras rin po ches snam sbyar legs pa zhig phyag bdar nas bskon pa gnang / kha btags sogs dpe med gnang / snga sor zla ba dgu pa'i mjug char can kyi sku rim ser tshogs skabs bstan 'dzin dbang gi bka' shog dang / dga' ldan khri rin po che'i thugs dam bcas rgyal por bstan skyong gi bla ma sngags rams pa stobs ldan la zhal gyi chos skor sogs mang ba dgos zer 'byor par zhag bcu'i bar du gsang 'dus 'jam rdor gyi dbang / zhal gyis rjes gnang rigs bdun tsam dang / gzhan yang rjes gnang gi rigs mang ba/ zhal pod kyi lung bcas byed dgos byung zhing / 'di skabs kyang ched gnyer gyi dpal 'dzin pod chung gi lung / klu dbang rgyal po dang / sme brtsegs lugs gnyis/ khro mo sme brtsegs sogs kyi rjes gnang dang / no mo khang phyag mdzod sde par rnam sras mdung dmar phyag mtshan bzhi pa'i rjes gnang dge slong 'jam dbyangs lags dang sngags rams pa stobs ldan sogs dang mnyam du byas/ dngul phon che ba/