[A:597]sku zhabs su pheb zhor du pheb pas 'ong dgos tshul dang / dge slong bsod nams rin chen gyis kyang u tshugs bcas na ning pheb gdong nas mkhas btsun gyi snyan gsan phab don ltar da lam dam tshig thub byung bas ser tshogs kyi dbur cis kyang 'ong dgos/ grwa bsgrigs tshar zer bar zhag gcig 'ong bar khas blangs/ dbang drag sog po can la rta gsar nas dus bsgrigs/ rgyal sras sku zhabs nas tshogs 'khor rgyas pa'i thog /phag mo'i sku rgyu legs pa/ kha btags che ba/ gser srang gang / dngul srang bdun/ gos chen dmar po yug /dngul gyi bum pa 'bur ma/ rigs gsum dkyil thang / rtse zhwa legs pa sogs dpag med/ dge slong lags kyis ri bo chos gling nas len mi gnang ba'i gnas bcu'i sku/ thang bris spus legs zhal khebs tog sogs bzang grub bcu gcig grwa tshar/ me tog bum pa brgyad gzhogs che legs tsha gser ma cha/ thang ka'i bzhugs sgam skyi btums ma sgo lcags lde bcas cha/ bal zam khra bsgrigs kyi gnam rgyan gling gsum bcas gnang / de nas bkra shis chos sder phyin pa'i yar zhor khra 'brug na gar sog po rnams kyis zho dang ja sogs zhus/ dngul dar sogs phul byung / de nas bkra shis zam pa thon mtshams su ser sbreng rgyas pa/ mgon khang thog nas dung rgya gling sogs rgyas pa/ dbon rin po che dang gnyer pa sogs sne gdong gi thad du chibs bsur pheb/ de nyin rgyal sa sgang pa/ ras chung phug pa/ chos lung rab brtan pa/ shel brag pa sogs tshogs pa che bar 'dug /