[A:611]bi brta'ang 'phral 'phral du gnang / bka' bcu kun dga' bsam 'grub kyis nged rang gi 'khrul gtam ring mo dang / sgrub thabs brgya rtsa sogs phyag bris gnang / rnam sras gling lags pad skyabs bos pa'i tsakli brgya skor spus gtsang bar bzhengs/ bkra shis dpal ri'i chos mdzad sku gzhon pa ngag dbang 'jam dpal pheb par rnal 'byor ma'i byin rlabs sngon du 'gro ba'i khrid zhal shes gsum gyis brgyan pa smin rgyas dang / rig byed ma/ tshogs bdag /'dod rgyal gsum gyi rjes gnang dang / mkha' spyod ma'i be'u bum nas lung mang bar phul/ bka' blon gung sde gzims bcas pheb par tshe rta brgya rtsa dang / bka' bsgo rgyas pa bcas phul zhing gang ci'i gsung gleng bag pheb par byung / de mtshungs zla dpon blo bzang dar rgyas kyang pheb par byad 'grol/ tshe rta brgya tshar sogs phul/ snon du chos drung lags rgyal gdon gyis sku ltem par tshe rta brgya tshar/ byabs khrus sogs phul nas zla ba bcu pa 'di'i tshes nas lo bstar gyi sku rim ser tshogs byas/ 'di lo mda' phu bsam gtan chos gling pa'ang yod/ zla mjug tu gzhung sa'i sku rim kye rdor gyi zhi ba'i sbyin sreg smin rgyas bgyis pa'i rdor slob tu phyin/ zhag bdun gyi bar bgyis/ zla ba bcu gnyis pa'i mgor sbus sder mo che ba'i pha 'das pa'i byang chog bgyid par phyin zhing / mar lam lcags zam du sprul sku rin po cher tshe rta sogs phul/ 'phreng sgo zur khang du rgyal chen gyi sku brnyan bzhengs pa'i gzungs rab gnas sogs la phyin/ rgyal chen sku brlabs pa'i rnam 'gyur mdzad/ yang