[A:469]zhag mang ma 'gor bar shes/ deng sang zhag po re gnyis kyi rgyun yang sdod mi tshugs par chos 'phrog thob byed pa'i tshod na dga' rab yin snyam pa'ang byung / de nas hor zla dang por gza' tshes bzang ba nas bzung gsung ngag rin po che 'dzugs pa gnang ba'i sgo dod/ de'ang rtse gdong zhabs drung sku mched la slob bshad dang / tshogs pa bying la tshogs bshad dus gcig la gnang rtsis kyi snga dro gzims chung ka drug mar slob bshad/ phyi dro 'du khang chen mor tshogs bshad kyi thugs gra sgrig pa gnang / gong zhabs rin po che nas slob bshad mi bcu gcig las mang bar mi 'gab bka' pheb par brten/ bco brgyad bla brang nas nged kyi rtsar bla ma bsam 'phel ba gnang nas sang nyin gsung ngag tshugs rgyu yin/ de'ang babs 'di bzhin yin pas slob bshad rang du 'ong rtsis kyi bka' pheb bsgyur byung bas sa dang po thob pa lta bu'i dga' spro dpag med thob/ de'ang sngon gyi kha skad cig la/ snga gru dang po kha drags su yod kyis khyer/ bar pa ni gru gla su yod kyis khyer/ bsam pa gtad pa mi bdag la gru'i skal ba med ces pa'i dpe ltar/ 'phreng po gzhi ba dpon slob/ gsang phu mchod khang dpon slob/ chos sde srid gsum dpon slob rnams ni bla ma'i khur bzhes kyi dog 'tshangs mdzad/ bco brgyad rang gi phyag mdzod kyis gtsos drung 'khor rnams ni kha drag ngoms nas dog 'tshangs mdzad 'dug /bya bral ba bdag ni tshar chen chos kyi rgyal po'i thugs rje'i 'od zer dang / pha bla ma dam pa sku drin can des brtse bas ma bor bar snyan 'bul tsam zhu ma dgos par 'bad med du gnang ba ni bla ma'i thugs rjes bla lhag tu skyong ba'i sgo dang po'o/