[A:479]dpal ldan grags pa sogs dang gnyug mar gnas pa gtsos lnga brgya skor la gsung ngag tshogs bshad thams cad mkhyen pa dkon mchog lhun grub kyi mdzes rgyan sor bzhag steng nas bla ma brgyud pa'i rnam thar ljags thog nas bka' drin bskyangs pa sogs ngor lugs thun mong ma yin pa sor bzhag snang gsum rdzogs mtshams su/ yar klungs bkra shis chos sde'i dbon rin po che ngag dbang blo gsal mchog ldan dgyes mdzad rdo rje'i thugs kar sku'i bkod pa bsdus par rgyal dbang mchog gi bka' shog lam yig sogs stsal pheb ltar gsung ngag snang gsum rdzogs nas yar klungs su chibs kha bskyod pa gnang / snyan brgyud bstan pa'i 'byung gnas bkra shis pa'i chos kyi sde chen por dbon rin po che'i sku gdung drung du thugs dam gsal 'debs/ dbang bskur/ me mchod sogs rje bla ma'i mchod g.yog gi zhabs phyi bdag rang gis zhus/ phar phyin gyi pheb lam tshor yang sa lugs kyi dgon pa thams cad nas spyan 'dren zhus/ bka' chos kyang nyin mtshan med par stsal ba'i phyag g.yog gang 'grub byas/ de nas gdan sa chen por pheb/ sngar gyi gsung ngag gi 'phros smin rgyas su bka' drin bskyangs/ lo de nang du dpal dus kyi 'khor lo'i rdul tshon gyi dkyil 'khor du dbang rgyas pa dang / bde mchog mkha' 'gro rgya mtsho'i rdul tshon la brten pa'i dbang / bde mchog nag po pa'i rdul tshon la brten pa'i dbang sogs dpag tu med pa stsal/ lcags rta zla ba dang por gtsang du chibs kha bskyod nas rim gyis gdan sa chen po dpal ldan sa skyar sngags 'chang thams cad mkhyen