[A:495]gsum bsdad/ cho 'phrul smon lam dang thug pas mang ja/ /bzhes thug /'bul ba sne bzhag sogs dang / grwa pa re rer kha btags kyi phyag 'gyed/ tshogs gur bzo bar zhal 'degs sogs phul/ de nas rmor pa rnams kyis lum pa lcang gseb tu thab bsu bcas rang gi bsti gnas su slebs/ de'i dbyar sos dge ldan nas a mdo khams pa sogs chos gsan mi pheb pa tshor mkha' spyod ma'i khrid sogs bzhed pa ltar phul/ rdo rje brag tu rje rig 'dzin chen por mkha' 'gro rgya mtsho'i dbang ras bris la brten pa dang / lam dbang sogs phul zhing / tshur yang 'chi med dpal ster gyi dbang brgya rtsa sogs zhus/ me glang zla ba bcu par rgyal dbang drug pa chen po blo bzang rin chen tshangs dbyangs rgya mtsho sna dkar rtse nas chibs bskyod pa'i chibs bsu ser sbrengs zhal dkar 'bul ba sogs kyi brda 'grims bka' drin bskyangs pa'i grwa slob thams cad kyis snye thang du phyin nas rim bzhin zhol mnga' zhabs dang lhan cig par pho brang chen por zhal dkar phyag rten 'bul ba sogs grub 'phral rang gnas su 'byor/ sa stag zla ba lnga par gdan sa chen po nas sngags 'chang bla ma thams cad mkhyen pa ngag dbang kun dga' bkra shis dbus su chibs kha bskyod pa'i bsam yas brgyud lho kha phyogs su pheb zhor skyid gshongs ra ba smad du pheb/ grwa slob thams cad kyis zhal mjal phyag dbang sogs zhu bar phyin/ gsang phu dbyar chos dang 'dzoms pa'i slob dpon mkhan chen kun dga' grags pa zhal mjal tsam ma gtogs ma thub bar brten chibs bsu chibs skyel thams cad la phyin/ khrom la grub