[A:504]rang dang bka' 'gyur ba ngag dbang rab brtan bcas la ngor chen gyi bka' 'bum pod bzhi ma'i lung yang cha tshang phul/ de'ang rje bla ma dam par snga phyi rdor phreng gsan pa khri phrag brgal ba yod kyang rje dpon rin po che ma gtogs gzhan gnang mi su'ang byung ma song bas bka' 'bangs kyi tha shal ba bdag lta bus bgyid thub pa dga' rab yin snyam pa'ang byung / de nas dbyar chos bteg par kye rdo rje'i dbang dang rnal 'byor ma'i khrid chag med lo lo bzhin dang / lo 'ga' rer gnyis re dgos pa'ang byung / dbyar chos gnyis pa dang ston chos gnyis sogs sngar 'khyud ltar smar bar byung / dgun chos kyi dus yar klungs bkra shis chos sde nas 'a zhwa'i rdo rje 'dzin pa chen por rnal 'byor ma'i khrid byed par 'ong dgos tshul pheb pa ltar snyan brgyud kyi bstan pa la bsams nas 'ong ba'i khas len zhus/ dgun chos gnyis pa'i mjug nas yar klungs su phyin/ kun dga' bstan pa'i rgyal mtshan gtsor gyur gyi steng / chos 'khor gnas/ grwa phyi/ tshong 'dus/ rnam seng dpon slob dpal 'byor rgyal mtshan sogs dang / gnyug mar gnas pa brgyad cu skor la 'khor lo bde mchog nag po lugs kyi rdul tshon gyi dkyil 'khor du dbang bskur nas/ 'di nyid kyi byin rlabs sngon du 'gro ba'i rtsa dbu ma'i khrid/ zhal shes gsum sogs bsnan pa'i nyams khrid shin tu smin pa/ rgyab rten lung bcas be'u yongs rdzogs kyi lung / mai tri indra gnyis kyi byin rlabs man ngag lung bcas rgyas par phul/ lo bstar sgrub mchod chad med yod kyang dbang ma thob pa mang gshis tshogs pa yongs rdzogs la grangs bcad kyi sgo nas