[A:507]pa'i mig gis mthong / /zhes gsung pa lta bu la ni ci byar yod/ chu bo ri nas grub pa'i 'khor los sgyur ba thang stong pa chen po'i rnam par sprul pa mchog gi sprul pa'i sku ngag dbang blo gsal nyi zla 'od 'bar gyis bka' gnang ltar lcags zam bla brang du dpal rdo rje phreng ba kr-i ya chu bo gcig 'dres kyi ras bris kyi dkyil 'khor du dbang bskur ba shin tu rgyas pa dang / gzhan yang snga phyi mang por sgrub thabs brgya rtsa/ rgya mtsho/ rnam sras lnga phrag gsum/ dmar po skor gsum sogs rjes gnang dbang lung man ngag /mkha' spyod ma'i khrid sogs shin tu mang ba thugs bzhed dang mthun par phul/ grwa tshang gi chos 'chad nyan kyang le shor med pa btang / de'i ston mjug ston chos gnyis pa grol 'phral blo gsal ldan gnyis bcas nA lendrar drin can rdo rje 'chang chen po'i zhabs drung du mjal bar phyin/ dus mchod stabs nas ha las pa rang 'bul rgyu ma byung kyang sku drin gsab phyir na bza' cha tshang / dar ras ar sdum sogs 'bul ba'ang dga' rab yod/ zhal dkyil mjal ma thag shin tu dges pa'i gsung gleng mang bar gnang / re zhig cis kyang sdod pheb/ chos bka' 'dra dang / khyad par stag zhon lha mang gnubs lugs kyi rjes gnang sngar ma zhus pa cis kyang bka' drin bskyang dgos yod zhus/ shin tu dgyes pa'i zhal 'dzum gnang nas da lam stag zhon sngar ma gsan pa 'dug na 'bul/ gzhan gsung gleng rang gnang dgos 'dug ces dgyes pa'i yang rtser son/ sdod sa'ang gzims chung dbang khang rang du 'jog pa gnang /