[A:511] rnam ser drung chen ngag dbang dngos grub/ spangs pa spyan snga ngag dbang phrin las/ chos 'khor gnas dpon slob legs pa rnam rgyal dpon slob gsum/ dwags po grwa tshang nas rab 'byams pa bstan pa rgya mtsho/ shing mang dpon slob kun dga' rdo rje dpon slob bzhi/ bsam yas rab byung pa drung 'tsho kun dga' rgyal mtshan lags dang / dge slong kun dga' sangs rgyas/ bye rdzing tshogs pa byang 'dren phrin las sogs drug /dbus stod rgyal steng pa dge slong chos grags can sogs gsum/ da lta'i grwa tshang dpon slob blo gsal bstan 'dzin sogs bzhi bcu skor la gsung ngag tshogs bshad mdzes rgyan gyi steng nas shin tu smin pa/ bla ma brgyud pa'i rnam thar gsung ngag bstan pa rgyas pa'i nyi 'od steng nas blo thog dang / bla brgyud so so'i rnam thar gyi lung sogs mdzes rgyan sor bzhag shin tu rgyas pa la byin rlabs thad sor sbyar ba'i ngor lugs kha gtsang byas/ 'di lam 'bras 'chad pa bzhi pa yin/ bar bar du 'dod chos dbang rjes gnang sogs bzhed pa bskangs/ mtshan nyid pa'i nyams bstan dogs chos ra'ang ma chad par btang / de nas dpyid chos sogs kyang sngar bzhin btang / de nas gsang phu dang zul phu'i dbyar chos bteg /'di lo sbyin bdag gnas sgo grwa tshang yin/ rang lo lnga bcur slebs/ lha sar mi gsod stabs gru sogs la dam dogs che ba ldan par the'u tse rgyag pa sogs sgrig gya ma do 'ong pa'i mgo tshugs/ sde srid khri gsar khri pheb zhal dkar yang dgos byung / dbyar chos grol/ rdo rje brag tu phyin/ mi 'khrugs