[A:515]tshul ldan byas/ dgun chos dang po grol nas sku zhabs rtse glo bur du mtsho sna sogs su chibs kha bsgyur/ de nas rdor brag tu pheb pa'i sgo dod/ gzhung sprol zhing / rje phug sogs su nyi 'khor gnang / chibs bsu song bar ba rgyug rta rgyug /khrig khrig ni ci'ang ma byung / 'di 'dra rgyun du byed dgos na ka li 'di gcog pa 'dra bsam pa'ang shar/ rtse'i zhabs phyi ban rgyu dang / byang gling dung skyong / bskul mkhar byang pa sogs kyis ngan gros grwa bsgrigs kyis sgyur sbyong sogs dpe med byed rtsis byas byung kyang / 'phral du ni mchod dpon blo bzang rab brtan lags bka' drin che gshis skyon ma byung zhing / mtha' phugs ni aM yig pa sangs ma rgyas pa'i gang du nye gnas sangs rgyas pa'i dpe ltar rnam smin 'phral du brdol song bas las 'bras 'di la yid ches par byung / gzhan gnod pa'i bsam sbyor ngan pa 'di/ /dus ring po min par rang la 'khor/ /khong las 'bras bslu ba med pa des/ /drang nges kyi shan de 'phral du phye/ rdor brag tu'ang byang kha brgyud pa rnams kyis mjal kha zhu dgos stabs rmor pa'i mjal kha zhu bar phyin/ bde chos sprul sku'ang pheb par sangs rgyas rdo rjes mdzad pa'i chos rgyal byang pa'i rnam thar gyi lung dgos pheb par bka' ltar phul/ 'di dus mjal kha sne sbyor gnang mi'ang shin tu dkon par byung / de nas dbyar chos la bteg /sbyin bdag spe ser ba yin/ rang lo nga gsum par sleb cing / 'di lo sku zhabs byang du gdan 'dren pa'i sgo dod par gsang phu'i dpon slob spyi tshogs thams cad kyis rgyal zhabs mjal bar