[A:519]btsun rnams la'ang mang ja 'gyed/ chos skyong chen por gtang rag gi snyan shal rgyas par phul/ zul phur yang mang ja/ gzhung gi zhabs brtan/ dus mchod/ sku skal sogs sngar rgyun ltar phul/ mar lam shel grong du gnyer pa grags pa dang dpal 'byor gyis kyang lha mchod phun sum tshogs par zhus/ 'di lo zla ba lnga pa'i nang du bdag gi pha drin can de'ang dgung lo gya lnga'i steng du gshegs/ dus mchod kyi stabs nas nged rang sku gdung gi zhabs phyi sogs la 'ong ma thub kyang blo gsal gyis phyin/ dbyar chos grol ba'i shel grong nas grwa tshang gdan 'dren zhus pa'i zhabs tog yon sogs gong mtshungs bzang nges bsgrubs/ bdag gi pha rgan 'di rgyun du gtsug tor rnam rgyal ma'i gzungs ring tshar nyi shu rtsa gcig re dang / mtshan brjod tshar bdun re la nyung mtha' byas pa/ nA ro mkha' spyod sogs zhal 'don sgrig bcur mang po gnang ba zhig yin/ de nas skyid gshongs su dbyar chos gnyis pa dang / ston chos snga rting kyang smar bar gtang / 'di lo yas mas phan tshun thams cad du 'brum nag mched drag gshis lho byang yas mas phan tshun thams cad 'gro nyag cig nyin re la'ang gshin po drug bdun re'i rtsar 'gro dgos sogs rang la gdengs gang yang med pas yid 'byung bar gyur kyang / dkor nag 'di la mi dgyes pa rang mi 'dug pas bla ma spyi'i lugs srol de bskyangs/ 'on kyang lhag bsam rnam dag gi brtse bas kun nas bslangs pas nyes pa cung zad chung ba ni los 'ong / bla ma 'pho len gyi mtshams la slebs/