[A:525]pa'i nang du rmor nas bteg sta ra ba smad du bsdad/ gzhung shag nas phal cher dang grwa pa phal cher gyi ja stir dang mjal dar bcas 'phrad par pheb/ tshogs la mang ja dang spong 'thag gi 'gyed bcas phul/ de nas zhag bdun thog shing mang dgon du sleb/ kye rdor gyi sgo nas lam ston me mchod sogs rgyas par byas shing / grangs bcad kyis grwa pa rnams la kye rdor rgyu dbang / mkha' spyod ma'i byin rlabs dang khrid/ kun rig gi dbang sogs bgyis shing / 'brum pas lnga lam du song ba mang ba'i stabs bsngo byang bag med du byed dgos byung / grwa pa dang sbyin bdag che phra thams cad kyis mgrin gcig tu sa mtshams kyi dgon par song ba dang bcas sa skya pa'i bstan lar bsams pa'i khur len byed dgos zhes lho brag pa'i u tshugs gtso bor gyur pa nan che gshis re zhig khas len mi byed kha med lta bu byung zhing / rang gi rogs gnyis kyis kyang re zhig khas len byed dgos 'ong 'dra zer ba bcas zla ba bcu pa'i tshes bcu gnyis kyi nyin gza' tshes bzang po yod stabs bla brang gi rtsis len dang / de nyin sde pa mdo mkhar ba/ 'gag chos sde ba/ sbyin bdag so so/ grwa dmangs bcas pa'i 'bul tshan bsnyen bkur dpag med dang bcas bka' gdams pa'i dge ba'i bshes gnyen rigs chen pos byin gyis brlabs pa'i khri thog tu khri 'don rgyas pa/ sang nyin skya ser gyi khrom che bar grub rgyal lugs kyi tshe dbang bskur/ khyon zhag bco lnga skor bsdad/ thon dbang gi dus 'ong ba'i khas len byas/ spyir sger thams cad nas lho zog gtsor gyur gyi zang zing gi 'bul nod dpag med dang / khyad