[A:538]pa yab sras/ ri bo bde chen pa brgyad/ dar rgyas gling pa bzhi bcu/ jo bstan tshogs pa bcu gnyis/ ri bo chos gling pa nyi shu/ ban tshang pa gnyis/ rtses dong lnga mchod pa lnga/ 'bras bu gling pa kha shas/ chos lam rim pa gnyis/ rdo dag rnam rgyal ba drug /bye rdzing tshogs pa bzhi/ rgya ma sku skye mkhyen rab/ phrin las rgya mtsho dang / bka' kun rab gnyis/ gnyug mar gnas pa yongs rdzogs/ yas mas kyi skyes pho mo'i tshogs shin tu mang ba khyon lnga brgya brgal bar grub pa'i slob dpon chen po a bhA ya ka ra'i bzhed srol dpal rdo rje phreng ba'i dkyil 'khor zhe gnyis/ slob dpon darpan a tsArya'i bzhed pa kr-i ya sa munytsa'i dge legs su byed pa'i dkyil 'khor gsum ste zhe lnga'i ras bris kyi dkyil 'khor du thar rtse nam mkha' dpal bzang gis mdzad pa'i dkyil chog rdor phreng / mdzes rgyan gyi steng nas phyag len phra mo tshun sla chos su ma song bar sta gon zhag gcig the ba zhag nyer lnga'i bar grub par phul zhing / bar bar du mkha' spyod ma'i khrid dang / rjes gnang mang bar phul/ gong gsal chos gsan pa rnams la rgyal sras thogs med pa'i yi ge'i steng nas klu sgrub lugs kyi dbu ma sems bskyed du grags pa mchod pa shin tu bzang zhing gya nom pa'i sgo nas cho ga brda don 'phrod nges zhus khul yin/ de nas mi ring bar gzims chung 'khor phebs su dbon rin po che dang / bka' 'gyur ba ngag rab lags/ dge slong tshul khrims rgya mtsho/ chos sde'i bgres pa kha shas bcas nyi shu skor la rgyal sras rin po che'i yig cha'i steng nas byams mgon lugs sems tsam sems bskyed kyi sdom pa dngos gtsang ba phul te blo kha khengs par byung song /