[A:542]gsum tsam bzhugs/ gzungs thams cad nged rang gi lag bdar du phul/ gnon sbyin 'khor lo'ang sgrub pa tshul bzhin bgyis pas zhabs bsdoms kyi mtha' brten pa sbyor dngos rjes gtsang byas/ gza' tshes dge bar 'du khang gi sbugs lha khang du spyan drangs/ grwa dmangs kyis kye rdo rje mi mkhyen stabs nged rang rogs gnyis bcas pas bcom ldan 'das kye rdo rje'i ras bris kyi dkyil 'khor la brten pa'i rab gnas rgyas pa phyag len dngos gtsang ba grub cing / rab ston yang rgyas par byung / gong gsal sku 'dra rnams so so'i bzhengs tshul sogs rgyas par dkar chag zur du yod/ na bza' yang nged rang gi ras ber la gos chen gyi gong ba bcas dang / sku drin che ba rnams la gos chen gyi na bza' yang 'ong ba yod/ rgyun gyi mchod pa bla brang nas zhing dang lug sogs yod cing / grwa pa'i khrod nas kyang 'bul mi byung ba bcas dga' rab yod pas sa skya pa'i bstan pa la bya ba phran bu byas bsam snying dga' ba'ang byung / sngar nas tshes bcur dkon mchog spyi 'dus gtong srol 'dug cing / gnas bdag tshe ring ma yin gshis bskang gso byed pas phan snyam dkon mchog spyi 'dus kyi dbang / tshe ring ma'i rjes gnang grwa dmangs mi skya 'ga' zhig bcas par byas/ bsam yas nas bang phyin 'khor bas rab 'byams pas zhal len dus 'khyol bcas 'dug pas rtsis sprod sogs kyang lar rgyar mi gnod khyad re zhig grwa dmangs rang la chad med du phul sngo thog nas rtsis sprad chog par byas/ 'ong khar grwa pa rnams la tsha ra 'gyed bcas dang / gos bzang bsgrigs kyi rten khebs/ snyan dar sogs spyi gzhag kyang byas/