[A:544]slong tshul rgya ma/ rgya ma sku skye phrin las rgya mtsho/ bsam yas rab byung pa kun dga' tshul khrims/ rnam ser rab 'byams pa tshul khrims/ shing mang bla rnying dam chos kun bzang / tsha ba dbon po sogs phyogs 'dus dang / gnyug mar gnas pa sgres grwa phal cher bcas brgyar nye ba la rnal 'byor dbang phyug 'jigs bral dpal ldan chos skyong birWa pa'i bzhed gzhung gsung ngag rin po che slob bshad du grags pa shin tu smin pa/ snang gsum gyi skabs bla ma brgyud pa'i rnam thar gyi bshad pa rgyas pa ngag thog dang / lung yang cha tshang ba sngags lam nas brtsams dbang byin rlabs zin thun rnams kyang thad so thad sor sbyar ba'i phyag len 'khrul med pod ser/ pod dmar bcas lung cha tshang zla ba gsum la nye bar song / 'di lam 'bras 'chad thengs bdun pa yin/ lam 'bras grol nas gling stod zhabs drung sogs mang dag la bka' gdams lha bzhi'i rjes gnang / so so'i khrid/ zur bka'i rigs mang bar phul/ 'di thams cad la dbon rin po che pheb yod/ nged rang gis mkhan po/ gling stod zhabs drung rin po ches las slob/ rdo rje slob dpon chos grags lags kyis gsang ston/ blo shes kyis dus bsgo/ dge slong rin chen rgyal mtshan gyis kha skong byas nas rgya ma sku skye/ bka' byams pa bstan 'dzin/ shing mang bla ma dam chos kun bzang / rang grwa dam chos dpal 'bar/ bshes gnyen phun tshogs bcas bsnyen rdzogs bsgrubs/ bla ma lha khang du lam 'bras brgyud pa'i kha skong du drin chen rdo rje 'chang mkhyen rab byams pa ngag dbang lhun grub kyi sku brnyan lam 'bras brgyud pa dang sku tshad