[A:101]du bcar te/ dus gsum gyi gnas tshul gsol bar 'os pa rnams zhus pas/ rmor chen rjes rje 'di nyid sogs la gzhan ngal sel ba'i bslab ston tsam las gzhan ci 'ong ma gsungs/ de nas ji skad du/ chos rnams thams cad rkyen bzhin du/ /'dun pa'i rtsa la rab tu gnas/ /gang gis smon lam ci btab pa/ /de 'dra'i 'bras bu 'byung bar 'gyur/ /zhes gsungs pa ltar/ sngon gyi smon lam dus babs kyi dbang gis gtsang pa dpung bcas g.yul las rnam par rgyal te/ dpal mi'i dbang po bsod nams stobs rgyas de nyid gnam bskos dga' ldan pho brang pa'i rgyal thabs kyi kha lo gyen du 'degs phyir zhabs pad gser gyi khri la bkod pa'i skabs lha sde mi sde tshang mas legs 'bul dgos pa bzhin dga' ldan khang gsar du mjal phyag la pheb cing / legs 'bul sogs spyi 'gre ltar mdzad de yar klung du pheb/ rmor chen rdo rje 'chang de'i dgongs gzhir/ srid gsum rnam 'dren rgyal dbang thams cad gzigs pa chen po'i mdzad phrin mkha' khyab tu 'gyur ba dang / bod ljongs kyi skye rgu rnams bde legs su gyur na ci ma rung dgongs pa las/ phyogs phul rang rgyal gzhan pham gyi thugs bskyed phra mo tsam yang mi mnga' bar mngon sum tshad grub dang / rdo rje 'chang gis rgyud sde rnams su mngon spyod kyi las bya ba'i yul du bshad cing / gang la mngon spyod ma byas na rdo rje 'dzin pa la rtsa ltung bcu pa 'byung ba'i rkyen du 'gyur ba'i gdug pa can rnams la mngon spyod mdzad pa ma gtogs/ dgos med gya tshom gyi rigs gtan mi mdzad pa ni/ spyir bstan pa rin po che'i sgor pheb pa'i bshes