[A:124]mdzad pas/ yul dus kyi skal bar ma gyur na de bzhin du bya'o zhes zhal gyis 'ches nas bsrung ba dang shis pa brjod par mdzad de/ grub dbang mtshungs med dam pa sangs rgyas rgya mtsho dang / zhabs 'bring du mngags pa'i tshong dpon sbe tshogs dang / sbe go gnyis dang bcas pa rnams kyis chu bo chen po rba rlabs kyi lteng ka g.yo ba mig gis kyang blta bar mi bzod pa de las pha rol tu gshegs pa'i zhabs 'gyur yang dag pa'i skad cig la gdan 'dren zhus te/ byang lam nas rim bzhin 'phen yul nA lendrar pheb/ bco brgyad nas chos rje rin po ches pheb bsu sne len yang dag dang / phar yang pheb skyes 'bul nod rgyas par mdzad/ rim bzhin gangs can 'dzin ma'i lte ba lha ldan 'phrul snang gi 'dabs su phyags pheb ste gzims khang lhun grub dpal khang zhes bya bar gtan chags/ jo shAka rnam pa gnyis sogs ngo mtshar rten mchog rnams la mchod 'bul dang / dpal mi'i dbang po yab sras rnams la 'bul nod gya nom pa dang bcas te mjal phyag mdzad/ thugs dges pa'i gsung gis gzengs bstod dang / zang zing gi gnang skyes kyang stsal/ rgod dkar la brgyud de bsam yas su pheb/ chos skyong chen por lha tshes sngon ma'i skabs mjal 'phrad mdzad rgyu'i snyan gsan dge slong bkra shis rab brtan nas zhus pas blang dor sngon ma'i don ltar stag lor dge bshes dang ngos 'phrad skyong zhes gsungs pas shar rgyag yar klung du pheb/ 'dus pa'i tshogs la mang 'gyed gya nom pa dang / sngar phyag mdzod lhun grub kun dga'i gdong du rgyun ja'i thebs su sbyor 'jags gnang rgyu dngul srang brgya'i steng du