[A:142]nas/ rigs gsum spyi/ khros nag lha lnga/ gur rigs bsdus/ sambuTi/ mi 'khrugs pa dngos sta dang 'brel ba rnams kyi dbang dang / rdo rje 'chang kun dga' bzang po dang / thams cad mkhyen pa dkon mchog lhun grub kyi bka' 'bum/ 'jam mgon a mes zhabs kyis mdzad pa'i mgon po'i chos 'byung gi lung sogs gsan no/ /de dag gi don bsdu na/ slar yang mdo khams pheb tshe bla ma lhas/ /lung bstan srung mas las sgrub chos sku'i rten/ /bzhengs sogs ma lus gdul bya'i re ba bskang / /gnas gsar 'jam mgon bslu med thugs rje yin/ /zhes so/ /de nas mdo smad phyogs kyi gdul bya'i don rnams grub nas dbus su pheb par bzhed pa na/ sde dge bla chen phun tshogs bstan pas pheb rdzong dngos 'bul spom mtho ba dang / gzhan yang zhal slob blon 'bangs dad ldan kun gyis so so'i 'byor bstun gyi dge tshogs spel phyir 'bul nod gzabs rgyas dang / sde dge'i sku tshab ched mngags dang bcas te bya lo zla ba bdun pa'i nang du dbus gtsang phyogs su chibs kha bskyod de byang lam brgyud nas phyags pheb/ sgrub rgyud kyi gdan sa dpal ldan stag lung gi gnas rten rnams la mchod 'bul smon lam mdzad/ nA lendra nas bco brgyad chos kyi rje dang khams tshan mi sna sogs kyis pheb bsu dang bcas te bco brgyad bla brang du pheb/ gzhis len bsnyen bkur rgyas par mdzad de gdung brgyud rin po ches chos bka' gsan bzhed kyi snyan gsan 'bul ba gnang bar zhal gyis bzhes/ gnas gzigs rnams mdzad de lha ldan