[A:149] gnas gsar stong dpon sa skya pa'i sku nye yin pa sogs nged rang na phra bas ci'ang ha ma go /yab rje rdo rje 'chang de nyid nas gsung sgros kyi zur la yar klung dpon rin po che zhes gnas tshul gsung skabs dgyes nyams mdzad pa dang / gzhan go thos sna tshogs la phyogs lhung gi gtam yang du ma go ba bcas/ yar klung dpon rin po che de bzang ngan ci 'dra yin nam snyam pa las mtha' gcig tu nges pa'i bzang ngan med mur dbus la 'gro nye'i skabs thar rtse rdo rje 'chang nam mkha'i mtshan can de nyid kyis/ ma drung dang mdzod pa bcas la yar lung zhabs drung sku rus sku yon sogs gang sa nas dbu blar bzhes thub pa zhig byung na pheb pa dang / rjes su phyag ris kyi'ang bskul ma gnang ba bcas dbus 'gro'i skabs yar klung du de lugs kyi snyan sbron zhu rtsis yod 'dug pa ltar/ lo de'i mgo zla'i tshes nyi shur khra 'brug tu gnas zhag byas pa'i sang de thon khar/ yar klung zhabs drung pheb bsur byon 'dug pas mjal phyag la bcar na zhes mgron gnyer gyis zer don bzhin de 'phral pheb tu bcug pas/ bla ma sku blta bas chog mi shes shing / gsung 'jam zhing snyan pa/ mthong ba tsam gyis dad pa dbang med du 'gro ba zhig dang / thog mar mjal skabs/ gsung bgros yul tsam zhig las ma byung yang / rang nyid kha blta phyogs kyi rten 'brel ma log par byang bltas su yod pa la rje 'di lho gzigs su thog mar 'jal/ rim gyis gtam snyan bzhugs khrir chos sde'i thab bsu 'dug pas/ de thog tu chos rgyal 'phags pa'i lo rgyus sogs shin tu rgyas par gsungs/ yum bu bla mkhar gtsug lag