[A:162]phung po ni stong gsum gser du bkang ste ganggA'i bye snyed du phul kyang cha tsam yang gzhal bar dka' bas bdag cag rnams la brtse bas dgongs te me tog chung ngu mchod rdzas kyi dpe ltar dgyes pa chen po'i rnam rol du cis kyang bzhes su gsol zhes nan chen pos phul ba na thugs mdzangs bzhin du bzhes/ de thog nas dngul srang lnga bcu yod pa'i thum zhig phyir slog bka' drin bskyangs te nged rang gi yab rje rdo rje 'chang de nyid kyi dgongs rdzogs dus ja'i thebs su sbyor 'jags mdzad/ zla ba de kha'i mjug skyed lhas su bzhugs zhag bdun bcad rgya mdzad skabs mnal ltas su/ skyed lhas kyi rgyab ri dkar gsal shel gyi ri bo khang gseng can glo skar mang po yod pa zhig tu gyur pa'i nang dang / glo skar rnams la thugs mnyes bzhin du pheb bzhud mdzad pa zhig byung zhes gsung / byas 'gyur gyi gnas gzigs sogs mdzad/ 'dir pheb skabs slar yang bsnyen bkur gyi thog nged rang la a Ni drung nas gnang ba'i skyer phur sgros gtsang / nang mchod dang thun dong lcags gzhi gser dngul gyi tshags ma/ ba so'i Da ma ru rkos ma sogs phyag cha'i rigs dang / dngos po kha shas phul ba'i phur pa de la thugs dgongs lhag par dgyes/ grong chen du pheb khar phur sgrub thog thon phyag phul te gro bzhin gyi tshes bdun la 'di nas chibs kha bsgyur ro/ /de dag gi don bsdu na/ bdag gi skyabs gcig thog mar dbus su mjal/ /bar der rnam dkar rgyun skyongs sa skyar pheb/ /mdo rgyud smin grol srid zhi'i dpal 'byor stsal/ /gnas gsar 'jam mgon bka' drin mtshungs med yin/ /zhes so/ /de nas grong chen chos 'khor