[A:166]'byor/ rim bzhin ri gdong nas sgar pa dang / sgrub sde'i ser sbreng dang bcas phyags pheb/ rgya sgor bdag mo nas pheb bsu mjal dar dang / bde yangs su mi mang rnams la phyag dbang skabs/ oM ma Ni padme hU~M gi gsung lhang nge ba dang bcas stsal/ sgram skas mgor khri chen ngag dbang yongs grags kyis mjal dar dang bcas pheb/ de'i sang nas bzung khri chen gyis skal bzang 'gyur med bde chen gyis mdzad pa'i grub chen thang stong rgyal po'i rnam thar lnga bsdus kyi ljags lung / pad ma dkar pos mdzad pa'i yig cha rnams kyi steng nas phyag chen lhan cig skyes sbyor gyi lung khrid dang / rgyal dbang rjes mdzad pa'i bar do gsol 'debs/ 'khrul 'khor/ nA ro chos drug skor/ lus sbyong nyi shu pa/ lnga bcu pa sogs kyi phyag khrid rnams gsan/ de nas ma 'gyangs par lcags chu mo nas rig 'dzin blo bzang stobs ldan dpal 'byor pheb ste shangs chos grub thob rin po che'i thugs gtsigs ma de nyid gsol 'debs mdzad pa bzhin/ rje 'di nyid kyis stsol bar mdzad pa ni/ de'ang / ye shes mkha' 'gro ni gu mas/ dbang bzhis smin byas dad dang brtson 'grus ldan/ /mi rtag skyo shas nyes dmigs sngon 'gro bas/ /lam mchog 'di la gang gis 'bad gyur na/ /zla drug lo'am tshe 'dir sangs rgyas 'grub/ /ces gsungs pa ltar/ thog mar smin byed kyi dbang chos drug spyi bka' sgyu lus dbang mo che dang / chos drug so so'i sgos bka' bde mchog dbang bzhi/ lus sgrig gsang sgrub skor gsum sogs de skor gyi byin rlabs tshang ma dang / chos drug gi zab khrid/ be'u