[A:16]ba 'debs/ /mkhas dang grub pa'i dbang phyug tshar pa rje/ /blo gsal rgya mtsho grags pa'i rgyal mtshan can/ /dpal 'byor bzang po rdo rje 'chang chen po'i/ /rnam thar dran zhing snying nas gsol ba 'debs/ /'khrul med ngo mtshar bcu gsum bstan 'gro'i dpal/ /slar yang bsam bzhin mchog gi sprul pa'i sku/ /'gro ba'i mgon po khyab bdag bka' 'gyur ba/ /bsod nams mchog ldan zhabs la gsol ba 'debs/ /gzhan yang byin brlabs sprul pa'i rnam rol can/ /'phags pa'i dge bsnyen dharma tA la'i zhabs/ /mkha' 'gros rjes bzung rdo rje dril bu pa/ /paN chen gang spel rnams la gsol ba 'debs/ /kun mkhyen gnyis pa chos kyi grags pa dang / /slob dpon chen po'i thugs sras nam mkha'i snying / /byang chub sems dpa' jo bo a ti sha/ /bstan 'gro'i dpal mgon rnams la gsol ba 'debs/ /rgyal sras sems dpa'i rnam sprul mtha' yas pa'i/ /gsang ba gsum gyi byin rlabs dbyer med pa/ /ngag dbang kun dga' legs pa'i 'byung gnas mtshan/ /khyab bdag bla ma mchog la gsol ba 'debs/ /zhes gsungs pa ltar 'chad pa la/ 'jam pa'i dbyangs mkhyen brtse'i dbang phyug gis mdzad pa'i tshar chen gsol 'debs bkra shis mtshan bzang mar/ mgon khyod gdod ma'i dbyings su sangs rgyas kyang / /sna tshogs gdul bya'i khams dang bsam pa bzhin/ /ngo mtshar skye ba'i zlos gar bcu gsum gyis/ /phan bde'i dga' ston spel la gsol ba 'debs/ /zhes dang / 'dar pa rin chen dpal bzang gis mdzad pa'i tshar