[A:172]pa rnams la argha'i cho ga bcas gogs po de bshig tshar ba dang / 'gram 'ding khar zhabs phyi bsod nams dpal 'bar dang rje drung skyid par dar gos kyi sna mang po mjug tu stsal ba bzhin brtan khyad rtsig 'gram gting ring du brus par lci ba dang ril ma mang po bsgrigs pa'i bang rim ltar chags 'dug pa gnas 'dir shing mang po 'dug pas dgon pa'i ming shing mang yin no zhes byang sems zla rgyal gyis gsung zhes rgan rabs kun zer ba der snang / ar zug gi las grwa rgyun ring tsam 'gor zhing / grub bstun phyag nas mdor bsdus gnang skabs/ gsung las/ mkhan chen rin chen 'jam dpal gyi 'du khang de nged kyis 'di bzhin du btang gsung zhing dgyes/ rtsi tshon gyi zhabs 'gyur sogs rje drung skyid pas kyang zhus shing / grong chen lha rigs pa 'chi med la tshon rtsi skor bka' pheb par tshon rnams rje skyid kyis khas blangs byung yang rje drung ru ngar ba dang a Ni tsho mthu mo 'dug pa bcas ldebs bris 'ong mdog ma kha gsung yang / ldebs bris skor dgongs bzhed ji lta ba bzhin 'grub/ shing mang sgrub sde la tshes bcu/ sgrub skor rnam gsum/ smyung gnas skor sogs bka' chos kha shas stsal/ gong du bshad pa'i lcags zam pa de rag rdzong zam par nyams bzo mdzad skabs de yin nam snyam ste/ gang ltar skyabs mgon dam pa 'di nyid dang mjal ba'i gsung sgros la bla ma des sa skya pa dang ri bo che pas nga la ma nyan pas gdung brgyud dkon po 'ong gsung ba de 'ong 'dra mo byung zhing / bla ma de rang la zhal slob btsun ma kha shas yod pa'ang 'u cag gnyis khyad med pas shing mang dgon gsar du sbyor cig gsungs