[A:17]chen 'khrungs rabs gsol 'debs las/ mgon khyod 'og min chen po'i zhing khams su/ /sku gsum yan lag bdun ldan mngon gyur kyang / /zhing 'dir skal bzang 'gro rnams bsgral ba'i slad/ /bgrang yas rnam sprul bstan la gsol ba 'debs/ /zhes dang / rje 'di'i sku bstod nged rang gis brtsams pa las/ 'og min zhing na sku lnga lhun grub/ /'phags pa'i yul na zas gtsang sras po/ /gangs ljongs gnas gsar chos rjer gyur la/ /gsol ba 'debs so byin gyis rlobs shig /ces smos nas/ zas gtsang sras zhes pa'i mtshan du 'di ni kho bo cag rang lo nyer gcig lon skabs kI la ya'i bsnyen sgrub kyi tshe dbo zla'i tshes dgu'i tho rengs rmi lam gyi snang ba las nges shes yang dag par rnyed do/ /zhes bkod pa ni/ spyir so skye'i rmi ltas la tshad 'dzin ci la yod kyang / 'di skabs kyi snang ba 'di ni bla ma yi dam gyi byin rlabs dang / rang gi dad mos kyi dbang gis shar ba 'dra'ang re zhig de skor gyi lo rgyus zhib par 'dri ma nus pas don gnyer can yod na kho bos gsang gtam logs su 'dri ba der gzigs shig /rgyu mtshan de nyid kyi phyir/ bdag cag gi ston pa mnyam med shAkya'i rgyal po dang skyabs mgon dam pa 'di nyid dbyer med du bzhugs pas/ de'i dbang du btang na rang cag rnams kyi ston pa 'di nyid ni/ dang por byang chub mchog tu thugs bskyed/ bar du bskal pa grangs med gsum du tshogs bsags/ mthar mngon par rdzogs par sangs rgyas te bla med ye shes mchog gi go 'phang mngon du mdzad pa yin la/ 'di la'ang theg pa che chung