[A:180]sa skya pa rnams kyi yab chos yang phur gyi rdzogs rim zab mo bsam gtan gling pa'i a ti'i skor gyi lung yongs su rdzogs pa dang / phur pa rtsa dum sa skya paN chen gyi 'gyur/ sgrub thabs bklags pas don grub/ sgrub thabs don grub snying po/ yang snying lhan skyes gsal ba/ dkyil chog rtogs par sla ba rnams dang / mus chen dkon mchog rgyal mtshan gyi bka' 'bum yongs su rdzogs pa'i lung / bde mchog lo hi pa'i smad lngar grags pa'i nang tshan mngon par rtogs pa/ shes rab bsrung ba'i chos bzhi'i nang tshan mngon 'grel/ phyi rol mchod pa/ lag mchod bcas kyi lung gsan/ mkhas pa'i dbang po kun dga' sangs rgyas kyi drung nas sgra mdo pA Ni pa 'grel pa dang bcas pa'i lung dang / ri mo'i phyag khrid gsan te/ kun dga' sangs rgyas des sgra mdo pA Ni la tshegs med i ki a tsa la yang na'o zhes pa 'di shes nas grol ba yin/ zhes zhus pa tsam gyis thogs med du dgongs te/ lung gsan pa dang / ri mo mdzad pa dus mnyam du grub/ 'di ni sngon kha che paN chen la 'jam mgon sa skya paNDi ta chen pos bdag cag bod la/ sngo ma yin pa las log pa'i sngo tsam bya ba zhig 'dod lags na/ de ci ltar lags zhus pas/ sngon po don la yod tsam tsam mang po de nga la cha med gsungs pas/ tshad ma'i gnad thams cad der go zhes bshad pa dang mtshungs so/ /skyi ston padma phrin las nas brgyud pa'i 'pho ba 'jag tshugs ma'i lung khrid kyang gsan/ mus chen bsod nams dpal bzang las/ bde mchog lU nag dril gsum gyi dbang dang / gong du nged rang la stsal ba'i sa skya pa'i gdung rabs chen mo dang /