[A:185]ma de na sngar pha waM gi steng nas chu thigs byed pa las rgyun 'babs med kyang / ril bu bcug pa'i sang nas bzung chu gang 'dod byung / de skabs kyi ril bu de nas nyung ngu zhig rdzong rams pas 'tshags mdzad de/ slar rdzong ri'i phu'i chu mig gnyis su bcug pas sngar bsags rdzing dang chu sne bzhi nas 'dren pa de ma dgos par/ da lta zhag rdzing gi chu shin tu mod par byung ngo / /las 'go 'jam dbyangs mchog grub kyis bgyis te/ der 'du khang rung khang sogs mdzad/ btsun ma rnying pa rnams dang / rin chen chos sgron sogs gsar du skra phud phul ba bcas bcu drug tsam gyis kyang so so'i grong khang brtsigs shing / dgon pa'i ming bkra shis chos sding zhes rang byung du chags/ mgo zla'i tshes mgor 'di nas chibs kha bsgyur te dgon gsar bkra shis chos sding gi bzhugs khrir pheb skabs/ gsung las/ 'di gsar 'debs yin kyang gnas rnying 'dra ba zhig byung gsungs te dges/ der bzhugs zhag gnyis gnang zhing phyogs 'dus dang gnyug mar gnas pa kha shas la tshe dbang bla ma zhi khro dang / dgon sar mang ja gral 'gyed stsal/ de lo dgun chos zhag bco lnga bla brang nas gnang zhing lo bstar dgun chos zhag bco lnga re 'ongs pa dang / grub dbang dam pa sgro mo lung pa mang thos bsod nams chos 'phel gyi snang brnyan gsar bzhengs mdzad cing / sku mchod du bla ma'i rnal 'byor zla ba byung ngo cog gtong rgyu bcas kyi thebs kyang stsal/ dgon pa de dmag zor ma la gnyer gtad mdzad pas legs nyes stang 'dzin 'phral du byung bas na/ dgon gsar gyi lha mo zhes snyan grags che'o/ /de nas grong chen du