[A:18]gi bzhed tshul mi 'dra ba yod kyang / 'dir theg chen gyi dgongs pa bla med 'khrul zad rje btsun gong ma rnams kyi bzhed pa ltar bshad na/ tshul dang po gsum mdzes par byed pa'i rgyan las/ skyon med bla ma rnams kyi bzhed srol ni/ /grangs med bskal pa'i sngon du rdzogs sangs rgyas/ /zhes bskal pa dpag tu med pa'i sngon rol du 'og min stug po bkod pa'am/ rgya mtsho zhes bya bar sangs rgyas dbang po'i tog tu mngon par rdzogs par sangs rgyas nas/ slar 'dzam bu'i gling 'dir sangs rgya ba'i tshul tsam zhig bstan pa yin te/ slob dpon ngag gi dbang phyug grags pas/ dpal ldan stug po bkod pa nyid du don dam thugs chud cing / /dga' ldan skye bo'i don mdzad phyir ni dam pa tog dkar gyur/ /de nas 'dir ni 'gro ba'i don mdzad shAkya'i tog gyur gang / /'chi bdag las rgyal sgyu ma kun ston de ni rgyal gyur cig /ces gsungs pas so/ /de lta bu'i sangs rgyas de'ang don dam par mkha' khyab chos kyi sku las g.yo ba med bzhin du longs spyod rdzogs pa dang / sprul pa'i sku ste/ sku gsum mam/ de'i khar kun khyab ngo bo nyid sku dang shin tu rnam par dag pa ngo bo nyid kyi sku/ zhes sku lnga'i rang bzhin can du bzhugs shing / de'i nang tshan sprul pa'i sku'i skabs su/ rje btsun byams pas mngon rtogs rgyan las/ gang gi srid pa ji srid bar/ /'gro la phan pa sna tshogs dag /mnyam du mdzad pa'i sku de ni/ /thub pa'i sprul sku rgyun mi 'chad/ /ces gsungs pa ltar/ byang sems dang mkhas grub sogs du ma'i tshul bzung bar mdzad pas na/ de las 'khrungs