[A:19]rabs kyi phreng ba rim par byon pa ni/ de'ang 'og tu zhing khams brje kha ma'i mnal ltas la dpag na/ 'khrungs rabs gsol 'debs 'di'i dngos bstan tshig zin la med rung / /mkha' khyab skye rgu spyi dang / bye brag gangs can lha gcig spyan ras gzigs dbang sogs mtshan gyi rnam grangs du ma dang ldan pa'i thugs rje'i gter chen de nyid las gud na ma mchis shing / 'khrungs rabs kyi dngos bstan ngo mtshar sku phreng bcu gsum la/ dang po rnal 'byor dbang phyug birWa pa ni rgya gar sman gyi dbang po'i grong khyer du rgyal po gser gyi 'khor lo'i sras dngul gyi 'khor lo rab tu byung ba'i mtshan dpal ldan chos skyong / ye shes mkha' 'gros dngos su rjes su bzung nas grub pa brnyes te/ rang nyid ngan par zhal gyis bzhes pa'i mtshan birWa par grags ste/ 'dzam gling mkhas grub kun gyi nang na 'gran zla dang bral ba deng sang yang swa ba nA tha na rdo sku'i tshul du bzhugs pa de nyid dang / gnyis pa stha wi ra ni/ o Di ya na'i gnas su sku 'khrungs shing / rdo rje btsun mos rjes su bzungs la/ gnas lnga mkhyen pa'i paNDi ta/ rdo rje gdan gyi mkhan po mdzad cing / brtul zhugs kyi spyod pa mthar phyin pa de nyid dang / gsum pa dharma pA la ni/ rgya gar shar phyogs su sku 'khrungs pa lnga rigs mthar phyin zhing / rlung sems dbang du 'dus pas sku tshe la mnga' brnyes pa lo chen rin chen bzang po'i dbu bla de nyid dang / bzhi pa ga ya dha ra ni/ bhangga la'i rgyal po tsaNDa rU'u pa akSha'i yig mkhan gyi rigs yin pas ka phasthar grags shing / mtshan dngos ga ya dha ra ste sprin 'dzin nam sprin