[A:190]sprul sku rin po che'i mjal phyag la pheb/ chos sdings grwa bgres mang por mkha' spyod ma'i byin rlabs sogs zab chos mang bar stsal lo/ /de dag gi don bsdu na/ sgrub pa'i sde btab bla med chos 'khor bskor/ /skal ldan rjes bzung zab chos bdud rtsi gsol/ /dgon gnas gnyer gtad dbus ljongs 'gro phan mdzad/ /gnas gsar 'jam mgon phan bde'i bum bzang yin/ /zhes so/ /anggir zhes pa chu sprel zla ba dang po'i nang du gtsang la chims bskyod de yar lam bo dong / dga' ldan phun tshogs gling / chos lung / byang rtse/ brag hram sogs la gnas gzigs mchod 'bul thugs smon mdzad de/ gtsang gzhung brgyud nas pheb par shag mtshal nas grong chen pas chibs bsu zhus te/ de'i lan brgyud rim gyis gram pa rgyang gi gtsug lag khang rnams mjal bar pheb ste/ da lta'i grong chen dbu byed 'dis gnas bshad pa zhus te/ rgyal ba rigs lnga bzhugs pa'i lha khang zhig la 'di la chos rgyal lha khang zer zhus pas/ 'o 'di na chos rgyal srong btsan sgom po bzhugs 'dug gsung / sngar phan lha khang de'i ming don 'phrod pa zhig med pa la de phyin kun gyis nges shes rnyed/ yon po lung dang rgyang 'bum mo che sogs la gnas gzigs mchod 'bul thugs smon mdzad de/ de nub mtsho sor bzhugs/ nag zla'i tshes gcig la grong chen du pheb skabs ser phreng sogs sngar bzhin zhabs tog zhus te/ zhag gnyis sku ngal bso ba lta bur bzhugs par/ grwa tshang nas rmor chen rdo rje 'chang gis mdzad pa'i zhabs brtan 'bul chog