[A:210]'gro bas thugs sgrub chos skor pod chung gnyis tsam gyi lung dang / dri med rnam gnyis kyi dbang rdul tshon gyi dkyil 'khor du stsal/ yang gnyan mgon yid bzhin nor bu stobs 'phrog dbang po'i chos skor stsal ba la/ sgrub dus thun mong ba/ bsnyen dus/ gdong brnyan can/ dkar po tshe 'phel/ thun mong dang / thun mong ma yin pa/ ser po rgyas byed/ dmar po dbang sdud/ nag po dgra bgegs sgrol ba/ gshin rje ltar sgrub pa/ khyung zhal can rnams kyi rjes gnang lung bcas dang / sgrub dus thun mong ma yin pa'i rjes gnang skabs rang bsrung bka' rgya can gnang ba/ de'ang chos mdzad skal bzang rnam grol gyis shin tu dngos gtsang 'bri bar mdzad de/ rje 'di nyid kyi sgrub pa gnang bas byin rlabs kyi gzi 'od 'bar ba kho bo mched kyi bsod nams bgo skal du thob cing / bram ze mngags gtad kyi rjes gnang dang / ha la nag po'i be'u bum 'jam mgon a mes zhabs kyi dkar chag nang bzhin gyi lung kyang kho bo mched ma gtogs gzhan la ma stsal/ 'di gras bri yig thun mong ma yin pa rdo rje 'chang dbang phyug rab brtan gyis a mes zhabs la'ang ma gnang ba zhig 'dug pa de/ shing glang lor dpal sa skyar pheb skabs thob/ 'di skabs klu ldings mkhan rin po che rin chen mi 'gyur rgyal mtshan stod phyogs dgon lag rnams su 'byon pa dang mnyam du 'di khar yang pheb par/ stong ra ba'i yi ge'i steng nas bcu gcig zhal lha lnga'i rjes gnang phul ba gnang zhing / dag snang dang 'bul nod phan tshun 'gran pa bzhin mdzad/ lo 'di'i smin drug zla nang ngos nas pu