[A:212]grogs sbyin bdag rnams nas kyang so so'i mkhos bstun gyi bsnyen bkur dang bkra shis chos lding lta bur zhag sa gnang nas grong chen du pheb bam snyam zhing / gang ltar/ der grwa tshang nas zhabs brtan gsol 'debs rgyas pa dang / 'dus tshogs sbyin bdag sogs la tshe dbang smin rgyas stsal/ bla brang steng gi ru mtshon rnying pa rnams gsar bzo bka' drin bskyangs pa sogs chos srid kyi mdzad phrin kha shas bstar yod 'gro'ang de skabs kyi zin bris zhib par ma rnyed/ de nas lha sar sde pa spo ra yab shin tu bro 'tshal bar brten chibs bsgyur gnad dgos kyi gsol 'debs zhu shog rta bshad kyi thog nas 'byor par de bzhin bka' drin bskyangs te/ mgon khang chen mo/ gsang ba'i mgon khang / rmu mgon khang bcas su bskang phrin pa brgyad grwa re bka' bkod gnang / rgyal zla'i tshes bcu bzhi la grong chen nas chibs kha bsgyur te la mo sgang du de kha'i dgon ma lag sbyin bdag bcas nas pheb skyel zhus par/ 'dus tshogs kyi dbus su bzhengs nas lugs gnyis dang 'brel ba'i bslab bya zhib gsed mthar phyin gyi bka' bkod nan tan stsal te chibs kha bsgyur/ khog rdzing du grong chen pas thab skyel zhus/ gzhis chen du bzhugs zhag gnang / song nyin gro bo la brgyud de pheb nas grong chen pa'i chibs skyel ba rnams la gsol ras dang bcas slog pa gnang / de nas pheb lam la zhag grangs ji tsam 'gor dang / bstan 'gro'i don kha shas bka' drin bskyangs yod 'gro'ang zin bris shig ma rnyed/ gang ltar/ 'di skabs rten 'brel mi shis pa kha shas byung snang ba gtsang pheb tha ma'i la nyer mngon/