[A:217]skabs bla brang gzims chung nas ngos mched la nang mdzod me long ma re/ sku gsung thugs rten tshar gnyis bcas phyag bdar du stsal zhing / nged rang la dngul gyi maNDal/ gser srang gang / bzang gos kyi bla re rgya bzo ma/ gos ling gi yol ba/ rgya phying dmar po'i stan/ stod 'gag /sham thabs/ 'gan sbyar/ lhwam rnams dang / rgyan mchog la'ang de mtshungs la sham thabs kyi rgyur ther rgyu gtsang bubs zung / lhan du dgu tshan bcu gsum gy-i mgor brjod bsdoms/ dngul srang brgya/ gos yug drug/ ja 'khor drug gnyis/ rgun ltang gnyis/ shing 'bras ltang gcig /pho rta gnyis/ dre'u gcig /kha btags rtags brgyad ma dgu rnams dang / mdzod par nang mdzod me long ma/ dgu tshan gsum gyi mgo brjod/ stod 'gag /lhwam/ gos yug /ja 'khor drug gcig /zla bo drag gras la dgu tshan gnyis dang / dngul srang bcu/ ja 'khor drug /ban tshang par/ dgu tshan/ ja 'khor gsum/ bying la ja 'khor drug /dgu tshan bcas zang zing gi sbyin pa bla na med pa'i bka' drin stsal/ bkra shis chog mang skabs mdzad pa'i gar dang 'chams sogs bka' drin bskyangs/ nged rang mched la 'gol mjal yang yang gnang zhing / gtsug lag khang mgon khang bcas par mchod mjal/ grwa tshang la bsnyen bkur bcas zhus shing / khyad par mgon khang chen mor ngos mched kyis zla mjug dus gtor mchod gtor gzabs bsham bcas bgyis te/ bla ma mgon po dbyer med kyis rjes su 'dzin pa dang / snyan brgyud kyi bstan pa dar ba'i phrin 'chol zhus