[A:219]chen por zhabs brtan gyi tshul du 'bul skyes rgyas par mdzad/ de'ang rgyal ba'i lung gis zin cing rtsod bral gyi mkhas grub chen po zhang 'gro ba'i mgon po'i chos skor 'di rnams gter chen chos kyi rgyal po dang / zur chen rdo rje 'chang gi rnam par sprul pa ngag dbang kun dga' bsod nams gnyis kyi thugs rje'i bdag rkyen la brten rgyun ma chad par lus pa rnams gso ba'i dgongs bzhed kyis tshal nas sum ldan rig pa 'dzin pa ngag dbang padma dang / dge slong 'gyur med chos 'phel gnyis gdan 'dren mdzad de/ rig 'dzin bla ma'i drung nas/ zhang gi bka' rgya'i skor las/ rgyu lam gyi dbang / tshom bu zhe bdun ma'i dbang / rnam thar lha sa ma dang / bsam yas ma gnyis kyi dbang / phyag bzhi pa'i rjes gnang rnams dang / rgyab rten lung gi skor la/ kha reg pa 'dul ba 'od dang / gtsang ston rnal 'byor/ lo zhig rnams kyi lugs srol tha dad pa la rgyas 'bring bsdus gsum du grags pa'i skor yongs su rdzogs pa dang / gzhan yang nyang gi phag mo khros nag gi dbang dang / lung phal che ba sogs gsan par mdzad/ dge slong 'gyur med chos 'phel gyi drung nas bka' 'bum pod bzhi'i lung tshal pa kun dga' rdo rjes mdzad pa'i dkar chag nang bzhin gsan/ rgyal dbang rdo rje 'chang kun gzigs lnga pa chen po'i gsung 'bum skor rnams yongs su rdzogs pa zhig gsan bzhed kyi rtsad gcod mdzad par/ grwa tshang rnying pa'i grwa gras sum ldan rdo rje 'dzin pa dge slong blo bzang bsod nams de nyid kyis bla ma mang po'i zhabs la gtugs te yongs rdzogs gsan cing brgyud khungs dag pa bcas yod