[A:21]ba'i tshe mang po'i srog skyob pa sogs 'gro ba'i dpal mgon du gyur pa de nyid dang / dgu pa kun mkhyen bu ston rin po che ni/ shab smad sgom gnas su rnying ma'i brgyud 'dzin zhig gi gdung du 'khrungs shing mdo sngags rig gnas dang bcas pa dang / khyad par dus phyis yo ga'i bstan pa la shin tu sku drin che ba de nyid dang / bcu pa yar klung pa seng ge rgyal mtshan ni/ ldong gi rigs las 'khrungs shing / mkhas grub kyi go sar bzhugs te/ rje btsun sa skya pa'i bstan pa rin po che'i mnga' bdag tu gyur pa de nyid dang / bcu gcig pa pha rgod bsod nams bzang po ni/ gzhon nu nas dam pa'i rigs sad cing / man ngag rgya mtsho'i mnga' bdag shangs chos bstan pa'i srog shing / rje btsun rdo ring pa'i dbu blar gyur pa de nyid dang / bcu gnyis pa rnal 'byor dbang mo ni/ tshar chen rin po che'i sku zhang gi rigs su bltams shing / mkhyen pa'i yon tan rgya che ba dang / rab tu byung ma'i brtul zhugs la shin tu brtson zhing / rlung sems dbang du 'dus pa de nyid dang / bcu gsum pa tshar chen chos kyi rgyal po ni/ yongs grags kyi mkhas grub 'gran zla dang bral zhing / rang lugs rje btsun gong ma'i bstan pa'i srog shing de nyid de/ sku phreng bcu gsum po de dag gi 'khrungs rabs 'khrul med so so'i mnal ltas sogs las nges pa rnyed pa'i lo rgyus dang / rnam thar mdor bsdus re ni gong sa rdo rje 'chang lnga pa chen pos mdzad pa'i tshar chen rin po che'i rtogs brjod du'ang gsal zhing / zhib par ni so so'i rnam thar las rtogs par bya'o/ /der ma zad 'khrungs rabs zhal gsungs ma'i tshig zin ltar/ 'phags pa'i