[A:221] snyigs dus bstan pa'i nyi ma lcang skya thams cad mkhyen pa'i bla sman se kun pa dar han em gyi dpon g.yog ched gtad byung bar g.yu thog snying thig gi dbang lung yongs su rdzogs par stsal/ gcad rgya thung tsam mdzad de/ me glang lor zla ba dang po'i mjug tu smon dga' rin chen bsam gtan gling du chibs bskyod/ de'ang rmor dgon gyi bla ma ra ba smad sku rten pa 'das rjes gra pa rnams kyi 'dod mos dang / lhag par rmor chen rdo rje 'chang de nyid kyi thugs sras kyi mchog snyan brgyud bstan pa rin po che'i mnga' bdag tu gyur pa bcas gong sa nas 'os babs su dgongs pa'i 'gan bzhes dgos tshul gyi zhu shog phul bas rmor chen rdo rje 'chang de nyid kyi gdan sa zla ba gnyis pa'i tshes gsum gza' tshes bzang ba'i nyin mkhas pa'i dbang po kun mkhyen grags 'byor shes rab nas nges pa don gyi rdo rje 'chang chen po rmor chen chos kyi rgyal po'i bar gyi gong ma na rim gyi bzhugs stegs seng khri'i spo la zhabs sen gyi zla dbang gsar pa bkod pas dge legs kyi kunda yongs su bzhad pa la rmor chen chos kyi rgyal po'ang chos kyi dbyings nas mngon par dgyes pa'i shis brjod kyi me tog 'thor bar mdzad dam snyam/ 'di nas bsko 'ja' khri 'gyed sogs dang / gzhan yang sde ba spo ra ba sogs yon bdag ser skya rnams nas kyang legs 'bul rgyas par mdzad/ de'ang dge 'dun rnams dang dgon lag phan tshun bcas la khri ston gyi mang 'gyed/ sku gsung thugs rten rnams la mchod pa/ gser chab/ dkar me rgyun 'dzugs sogs dang / phyogs 'dus dang gnyug mar gnas pa rnams la 'dod chos kyang ci rigs stsal/ de nas